Nola dastatu Euskal Sagardoa
Euskal Sagardoa JD: Euskal Herriko Jatorri Deituradun sagardoa
Euskal Sagardoaz ondo gozatzeko, hona hemen zerbitzeko garaian kontutan izan beharrekoak, tenperatura, altuera eta edalontzia besteak beste:
Nola zerbitzatu?
Zerbitzatzeko altuera:
- 10-15 cm ingurutik zerbitzatea gomendatzen da (ez altuago).
- Honela, hartziduran zehar sortutako karboniko naturala kontserbatzen da.
- Oxidazio azkarra saihesten da.
- Fruta-usainak gehiago mantentzen dira edalontzian
Zein edalontzitan?
- Sagardoa dastaketeterako edo botilatik kontsumitzeko kopa erabiltzea gomendatzen da.
- Honek usain-profila areagotzen du eta azidotasunaren, freskotasunaren eta testuraren arteko oreka hobea ematen du.
Zerbitzatzeko tenperatura:
- 10 eta 14 ºC artean, fresko baina ez izoztua.
Zer da Euskal Sagardoa?
Euskal Sagardoa Jatorri Deitura duen sagardo naturala da, Euskal Herrian ekoiztutakoa eta bertako sagar barietateekin. Baina hori baino askoz gehiago ere bada: antzinako kultura baten esentzia da, tradizioa eta iraunkortasuna uztartzen dituena, kalitate-kontrol zorrotz bat jarraituz.
Euskal Sagardoa Jatorri Deitura 2016an hasi zuen bere bidea ofizialki, sagardoaren ekoizpen-kate osoa —landaketa, ekoizpena eta botilatzea— Euskal Herrian egiten zela bermatuz. Tokiko sagar barietateak baino ez dira erabiltzen, besteak beste: Txalaka, Urtebi Haundi, Goikoetxe, Urtebi Txiki, Moko… eta abar. Horrek zapore berezia ematen dio sagardo honi: lehorra, azidotasun puntu bat, eta usain fresko eta fruitudunak dituena.
Ekoizpen Prozesua
Euskal Sagardoa J.D. mimo handiz egiten da, metodo tradizionalak eta kalitate-irizpide zorrotzak jarraituz. Pauso nagusiak ondorengoak dira:
- Landaketa: %100 euskal sagarrak, Euskal Sagardoa J.D.-rekin bat egindako tokiko ekoizleek modu jasangarrian landatuak.
- Bilketa: Irailetik azarora bitartean, sagarrak heltze-puntu egokienean biltzen dira.
- Birrintzea eta Prentsaketa: Sagarra lehenik birrindu eta gero prentsatu egiten da, muztioa lortzeko.
- Hartzidura: Muztioa modu naturalean hartzitzen da (sulfitorik edo gas gehigarririk gabe), egurrezko edo altzairuzko deposituetan, 3-4 hilabetez.
- Dastatzea eta Botilatzea: Sagardoa urtarriletik apirilera bitartean heltzen da poliki-poliki. Garai horretan, bezeroak upeltegietara hurbiltzen dira upelatik zuzenean dastatzera. Lau hilabeteko heltze-prozesua amaitzean, botilaratu egiten da, bere izaera naturala eta freskotasuna mantenduz.
Euskal Sagardoa J.D. motak
Euskal Sagardoa J.D. jatorri-deitura aberatsa da. Haren barruan sagardo mota ezberdinak aurkitu ditzazkegu:
- Euskal Sagardoa Naturala
- Euskal Sagardoa Premium
- Euskal Sagardoa Gastronomikoa
- Euskal Sagardoa Latan
- Euskal Sagardoa Ekologikoa
Ez da edari hutsa, baizik eta euskal nortasunaren, iraunkortasunaren eta bikaintasunaren ikur bat. Bertako sagarrekin ekoiztuta, eta kontsumorako erritual zehatz batekin, Euskal Sagardoak esperientzia autentiko bat eskaintzen du.
Modu egokian zerbitzatzea, kopan dastatzea eta tenperatura egokian kontsumitzea ezinbestekoak dira bere benetako balioaz disfrutatzeko. Eta sagardo mota berriak gozatzeko gogoz bazaude, sagardoa.eus online denda abiapuntu ezin hobea da Euskal Sagardoaren aberastasuna esploratzeko.
Comentarios
Deje su comentario