Sagardo astea Igartubeiti baserrian

12/09/2025

Igartubeiti Baserri Museoak Sagardo Astea ospatuko du urriaren 8tik 18ra.

XV. mendeko tolarea martxan ikusteko aukera bikaina!

Igartubeiti baserri-dolarea XV. mendean eraiki zen eta euskal baserrien Urrezko Aroa argi irudikatzen du. XV. mendean eraikia izan arren, bi mende beranduago iritsi zen osotasunera, baserria 4 alboetatik zabaldu baitzen XVII. mendean sortu ziren lan eta bizimodu berrietara egokitzeko. Baserri oso berezia da Euskal Herrian, jatorrizko zurezko egituraren kontserbazio onari esker, eta, batez ere, baserriko bigarren solairuan dagoen dolare handiarengatik. Dolare horrekin, familiak sagardoa egiten zuen urtero, bere kontsumorako eta salmentarako ere.

1992an, Gipuzkoako Foru Aldundiak Igartubeiti baserria erosi zuen, gure historia biziaren zati txiki hau gordetzeko asmoz. Hamarkada bateko ikerketaren eta zaharberritze konplexuaren ondoren, baserriak XVII. mendearen hasieran zuen irudi historikoa berreskuratu du. Gaur egun, eta Gipuzkoako Foru Aldundiak eta bere kolaboratzaile guztiek egindako lan neketsuari esker, Igartubeiti museo oso berezia bihurtu da. Barrualdean, antzinako euskal baserrien bizitza erreala birsortzen da. Bertan, familia horien bizitza duela lau mende baino gehiago nolakoa zen esperimentatu daiteke, haien argiztapenarekin, altzariekin eta jatorrizko tresnekin, baita garai hartan etxea blaitzen zuten usain eta aromekin ere.

Urriaren 8tik 18ra Sagardo Astea ospatuko dugu, Igartubeiti baserriko habe dolarea martxan ipiniz, baserritarren ohiko prozedura jarraituz, dolareko lana berreskuratuz eta jendeari jarduera haren berri zuzenean eta zehatz-mehatz eskainiz.

XV. mendeko zurezko egitura hau indarrez bihurritzea, sagarraren usaina eta lehen muztioaren lurruna, aspaldiko lan baten lekuko izatea…. jardun honetan dena da zirraragarri.

Prentsaketak erritmoarekin, antzezpenak eta Fabrika-ra bisita

Urriak 11, 12 eta 18ko sagar jotzetan kirikoketa taldea izango da. Kirikoketa, sagarrak jotzean sortzen den erritmo soinua da.

Sagardo Asteak Igartubeiti baserrian bizi izandako pertsonaien bitartez Igartubeiti baserria ezagutzeko aukera eskaintzen du. Urriaren 12an, 13an eta 19an, 11:15etatik aurrera, antzezpenak izango dira. Urretxu-Zumarragako Karmakros antzerki taldeak eta Amaia Ruiz de Galarretak, aktore tolosarrak.

Urriaren 11n eta 18an, arratsaldeko 17:00etan, bisita gidatua eskainiko da gaztelaniaz, Fabrika museora, Legazpiko paper-fabrika zahar batean dagoena, industrializazioan barrena, Gipuzkoako aldaketa erabakigarri horrek ekarri zituen gizarte, ekonomia eta ingurumen arloko ondorioetan barrena.

Igartubeitiko dolarea martxan: Urriak 9, 10, 11, 14, 15, 16, 17 eta 18; 11:30etan
Igartubeitiko dolarea martxan Kirikoketa erritmora: Urriak 12, 13 eta 19; 12:00etan
Antzezpenak baserrian: Urriak 12, 13 eta 19; 11:15etan
Fabrika-ra bisita gidatua: Urriak 12an eta 19an; 17:00etan

Erakusketak

Igartubeitira hurbiltzen direnek, eskultura eta etnografia izaera duen instalazioa ikusteko aukera izango dute, erleen eta euskal landa-bizitzaren forma tradizionalen arteko harreman historiko-kultural konplexua aztertzen duena. Erakusketa hau Galbahe bekaren ikerketa-proiektuaren emaitza da.

Sagarra da ekitaldi honetako protagonista, hainbat alderditan. Sagardoaren astean zehar Igartubeitiko sagastietan bildutako sagar barietate batzuk ere ikusgai egongo dira.

Sagardoa Route eta Igartubeiti Baserri Museoa

Euskal Sagardoaren Ibilbideak, astero irteerak antolatzen ditugu Igarbubeitira, asteazkenero eta ostiralero garraioarekin eta astearte, ostegun eta larunbateta garraiorik gabe. Gure tradiziorik zaharrenetako bat ezagutzeko aukera izango duzu eta sagardo eta gastronomiarik onenaz gozatuko duzu. Esperientzia Igartubeitin hasiko dugu, non duela bost mende sagardoa nola egiten zen ikasiko duzun, eta ondoren inguruko sagardotegi batera joango gara gaur egungo sagardoaren prozesua ezagutzeko. Gainera, sagardotegiko menu tradizionalaz gozatuko duzu sagardo onenarekin batera. Sagar zuku tailerrak ere eskaintzen dira, familian egiteko plan bikainak!

Zeren zain zaude gurekin bat egiteko? Hona hemen informazio gehiago eta erreserbak egiteko loturak:

BISITA ETA OTORDUA SAGARDOTEGIAN GARRAIOAREKIN

Igartubeiti bisita ezazu, XVI. mendeko baserri dolare bat, antzinako baserrien benetako bizitza irudikatzen duena! Igartubeiti XVI. mendearen erdialdean eraiki zen eta euskal baserriaren urre aroko ordezkari bikaina da. Ondo kontserbatutako jatorrizko egurrezko egitura du eta barruan sagardo dolare bat. Guzti honek, Euskal Herriko baserri interesgarrienetako batean bihurtzen du. Bere barnealdea museo berri batean bihurtu da eta bertan antzinako baserrietako bizitza erreala ikusteko aukera dugu. Ondoren, euskal sagardotegi bat bisitatuko dugu, Euskal Sagardoa dastatzen dugun bitartean eta azkenik, sagardotegi menu tradizionala jango duzu.