Sagardotegiak irekita daude!

30/10/2020

Gure herriko edota ondoko herriko sagardotegira joan ahal izango gara datozen egunetan ere, bai sagardoa erostera eta baita otordua egitera

Urriaren 26ko 36/2020 dekretuan oinarritutako segurtasun neurri guztiak betez, sagardogileek beren konpromisoarekin lanean jarraitzen dute Covid19aren transmisioa ekiditeko arlo sozioekonomikoan ere:

· Espazio zabalak, irekiak eta handiak

· Bizkarretik bizkarrera 1,5 m-ko segurtasun distantzia

· Musukoaren erabilera jan/edanean izan ezik

· Gel hidroalkoholikoaren erabilera otorduan zehar

· Langileen konfiantza eta profesionaltasuna

· Ordutegien birdefinitzea: bazkariak aurreratu eta baita afariak ere bai, bezeroak 23:00etarako lasai etxean egon daitezen

Eta noski, nork bere herrian edo mugakide diren herrietara joateko aukera badela jakinda, aukera honen berri eman nahi dizuegu herritarrei: elkar zainduz, arauak errespetatuz eta momentu atseginekin topa eginez. Sagardoa izan dadila elkargune! Informazio gehiago, sagardoaren online salmenta eta erreserbak www.sagardoa.eus orrialdean egin ditzakezue, klik batean!