Gartziategi Sagardo Ekologikoa zoom_in

Gartziategi Sagardo Ekologikoa

3,80 €

%100 bertako sagarrarekin egindako goi-kalitatezko sagardo naturala, Euskal Sagardoaren ezaugarri guztiak betetzeaz gain, sagastitik botilaraino, araudi ekologikoa betetzen duena; hau da, inolako produktu kimikorik gabea.

Deskribapena

Jatorria eta kalitatea bermatzeaz gain, sagastitik kupelera modu ekologikoan zaindutako produktua da Euskal Sagardo Ekologikoa.

Euskal Sagardoa J.D.

EUSKAL SAGARDOA J.D., %100 tokiko sagarra!

Sagardo natural kalitate handikoa, 100% bertako sagarrekin egina. Herriko sagarrekin egindako sagardoa da, lurrean sortutako barietateak erabiliz, milaka urtez hobetu eta zainduak izan direnak. Produktu autoktonoen erabileraz gain, Euskal Sagardoa jatorri-deituraren oinarria kalitatea da: ziurtagiria daramaten sagardo guztiek kontrol analitiko fisiko-kimiko eta organoleptiko zorrotzak gainditu behar dituzte.

Kalitate handiko sagardoa, 100% bertako sagarrekin egina; jatorriak eta jakintzak ematen duten segurtasunarekin. Etorkizuneko apustua sektorearentzat.

Sagardotegia Gartziategi

Adituek diotenez, hau da egungo sagardotegirik zaharrena edo zaharrenetarikoa, Urumea ibaiaren ibarrean kokatua, XVI. mendetik. Belaunaldiz belaunaldi transmititutako ezagutzarekin eta teknologia berrien laguntzaz, sagardo ekoizpenarekin jarraitu dute. Tradizioa eta modernitatea uztartuz egiten dugu Euskal Sagardoa, betiere, kalitatea bermatuta eta bertako sagarraren potentzialitate guztia aprobetxatuta. Gartziategik ekoitzitako sagardo guztia, hau da, %100, Euskal Sagardoa jatorri deituraren izenpekoa da.

Jatorrizko familiaren abizena Arrieta izan bada ere, gure birraitonak bederatzi alaba izan zituen eta horrek abizena aldatzea ekarri zuen. Gaur, haren oinordekoak diren Lizeaga Astigarraga familiak kudeatzen du sagardotegia.

Gartziategi sagardotegiari buruzko informazio gehiago

Beste produktu batzuk interesgarriak izan daitezke