Alorrenea

Alorrenea sagardotegia 2001. urtean sortu zen Astigarragan. Familia negozioa da, eta sagastitik hasita, botilarainoko bidea eurek egiten dute.

Betidanik izan duten ilusioa izan da, prozesu guztia etxean egitea eta azken urteetan bide horretan sagarrondo asko landatu dituzte, eta sagasti berriak jarri. Horrela, fruta baloratzeko aukera dute, mimo handiz zaindu, biltzeko garaia aukeratu eta beren beharren neurriko sagar motak jarri. Alorrenea Euskal Sagardoaren arima horixe da, prozesu guztia kontrolpean eta lehen eskutik egitea.