Theme Settings

Mode Layout
Curent color
Active color
Choose your colors
Curent Color:
Active Color:
Reset

18 urte dituzu?

Gutxienez 18 urte behar dituzu webgune hau ikusteko :(

SAGARDOA ROUTE

Sagardoa Route Euskal Herriko Sagardotegien Elkarteko Agentzia estrategikoa eta turistikoa da. Euskal Herriko bidaia agentzia hartzailea gara eta gure ardatz nagusia euskal kultura, lurraldea eta bertako jendea dira. Gure espezialitatea landa turismoa eta euskal sagardoaren kultura da, nahiz eta gure lurraldean zehar hainbat jarduera eskaintzen ditugun.

Gure abiapuntua lehen sektorea da, lurra, sagastiak, abereak, lurra landu eta Euskal Herriko paisaia kulturala mantentzen duena. Natura gure etxea da eta, beraz, modu iraunkorrean antolatzen ditugu gure ibilbideak, bakarra egiten gaituen filosofia horri eutsiz: garena zer den irakastea.

Zaindu eta mantentzea gustatzen zaigun xehetasunetako bat da ofizio horietan lan egiten duten pertsonak aurrez aurre ezagutzea, haiekin egotea eta haien bizimoduaz, historiaz eta filosofiaz gehiago jakitea.

 

 

 

Gipuzkoako Sagardogileen Elkartea

"Gipuzkoako Sagardogileen Elkartea 1977tik"

Gipuzkoako Sagardogileen Elkartea 1977an sortu zen ofizialki eta sagardo naturala ekoizten duten 54 sagardotegik osatzen dute gaur egun. Bere funtsezko eginkizunak dira sagardoaren sustapena eta elkartekideen interesak defendatzea. Azken urteetan urrats sendoak eman dira sektorea profesionalizatu eta produktuaren kalitatea hobetzeko eta aurrera ere horretan jarraitzea izango da helburua, lehengo bideak sendotu eta berriak arakatuta.

Elkartearen egoitza Astigarragan dago, bere bulego, formazio, dastatze eta mintegietarako gela eta abarrekin. Sagardogile Elkarteak ekimen ugari gauzatzen ditu urtean zehar eta bi helburu nagusirekin dihardu lanean: bata produktuaren irudia hobetzea ohiko kontsumitzailearen aurrean, eta bestea sagardoa Euskal Herriko mugetatik kanpo ezagutzera ematea, estatuan egiten diren zenbait feria baliatuta.


 

 

Lan taldea

"Euskal Herriko sagardo sektorea ordezkatzen dugu!"

Gipuzkoako Sagardogileen Elkartea sektoreko sagardotegi profesionalek osatzen dute. Bakoitzak bere ezaugarriak ditu baina guztiek gauza bat dute komunean: sagardo ekoizle naturalak direla. Gaur egun, 41 ekoizle ditugu gure Elkartearen barruan. Elkarteak 4 urtero izendatzen du zuzendaritza batzordea,  sei kide eta lehendakariaz osatuta.

 

 

Gipuzkoako Sagardogileen Elkarteko lan taldearen barruan langile bezela ondorengoak gaude: Olatz Mitxelena (Elkarteko Koordinatzailea), Ana Larred (Elkarteko Administraria), Amaia Zubeldia (Sagardoa Route, Euskal Sagardoaren Ibilbideko Arduraduna) eta Maddalen Olmedo (Sagardoa Route, Euskal Sagardoaren Ibilbideko Gida Turistikoa). Euskal Sagardoa Jatorri Deitura Elkartearen barruan aldiz Unai Agirre (Euskal Sagardoa Elkarteko Zuzendaria) dago langile bezela.

 

Zerbitzuak elkartekideei

"Sagardotegien alde eta sagardotegietarako lan egiten dugu, etorkizuna eraikiz eta egun segurtasuna emanez, digitalizaziorako bidean apustua eginez."

Gure bazkide guztiekin lankidetza estua eta etengabea dugu, beren negozioak behar dituen alderdi guztietan laguntzeko, zerbitzu-sorta zabala eta banakako aholkularitza eskainiz. Gainera, elkarte gisa harreman zuzena dugu erakunde ofizialekin eta Gipuzkoako beste elkarte sektorial batzuekin. Egiten ditugun jarduerek sektorea biziberritu eta eraldatu nahi dute beti, elkartekideentzako onura sozial eta ekonomiko handiagoetan eragina izan dezan.

Zerbitzu katalogoa jeitsi

Kudeaketa orokorra

Sagardogilearekiko
arreta zuzena

Aholkularitza
orokorra

Kudeaketa
orokorra

Erosketa
zentrala

Promozioa eta komunikazioa

Ekitaldien
antolakuntza

Hedabideetan
presentzia

Komunikazio-
estrategiak

Komunikazio-
euskarriak

Sagardoa Route

Turismo-
zerbitzuak

Produktuen
komertzializazioa

Zerbitzu
turistikoak

Promozio
turistikoa

 

Proiektu estrategikoak sagardogileentzat

"Gure asmoa da sagardoaren irudia hobetzea eta sagardotegiak etorkizunerako prestatzea "

Sagardoa Route

Euskal sagardo sektorearen agentzia estrategiko eta turistikoa

Euskal Sagardoa 

Euskal Sagardoa Jatorri Deitura, 100% bertako sagarra, berme eta kalitatezko ziurtagiria

 

"Proiektu estrategikoak sagardogileentzat"

 

Ekitaldi nagusiak

"Sektorearen etorkizuna eraikiz"

Hainbat ekitaldi antolatzen ditugu gure produktuaren berrikuntzak gure hiri eta udalerrietako plazetara eramateko asmoarekin:

Sagardo Apurua

Sagardo Apuruan Baserri Tolarea berreraikitzen dugu Donostiaren bihotzean, eta bizitza ematen diogu barrualdeari. Sagardoaren jaitsiera Urumea ibaian zehar eta idi pareak lagunduta baserriko garaiko produktuak eta sagardo berria Sagardotegira eramaten ditugu, Sagardo Apurua egin dezagun, dasta dezagun! Bertan ume eta helduentzat ekintza bete egun izaten ditugu, Donostian, Sagardoaren Hiriburuan, abenduko zubian.

Euskal Herriko Sagardo Txapelketa Herrikoia

Lekua hartu, eseri, jan, dastatu sagardoak eta eman iritzia! Txapelketa herrikoian Euskal Herriko Sagardotegietako sagardoak ditugu dastagai. Finalaurrekoetan parte hartzen duten Sagardo guztiak dastatzen dira, bakoitza herri batean eta afaldu edo bazkalduz. Finalean 12 sagardo dastatzen ditugu eta hemen erabakitzen da zein da Urteko Sagardo Txapelketa Herrikoiko Irabazlea. Esperientzia aparta sagardoa gustuko duten guztientzat, horixe baita parte hartzeko baldintza bakarra!

Donostiako Sagardo Eguna

Gipuzkoako Sagardogileen Elkarteko produktu guztien dastatzea eta erakusketa Donostiako Konstituzio enparantzan iraileko lehen larunbatean. Sagardo dastatze postuetan etxe bakoitzeko botila onenez gozatzeko aukera izateaz gain, Sagardoa plazan bertan nola egiten duten ikusteko aukera eta, noski! Urteko lehen muztioa edateko aukera ere izaten da. Informazio puntua plazaren gidari, Sagardogintzaren inguruko xehetasun guztiak jakiteko; baita Elkartekideen Sagardo Berezien dastatze gidatua ere, Sagardozale guztientzat irekia. Iraila Donostiako Sagardo Egunarekin hasten dugu.

Ordiziako Sagardo Eguna

Ordiziako Euskal Jaien egitarauarekin bat eginez, Sagardoari txoko berezia gordetzen diote Ordizian iraileko bigarren larunbatean. Urtetik urtera egitaraua osatuz goaz, Goierriko Sagardoak dastatzeaz gain, Gipuzkoako Sagardogileen Elkarteko beste hainbat Sagardotegik ere gustura hartzen duten Ordiziako plaza beren etxeko botila onenak jendearen gozagarri izan daitezen. Egun honetan, Ordiziako ostalariek bereziki egindako pintxoak dasta daitezke plazan, bertaratutako sagardoekin batera.

Txomin Parrilla

Otorduaren lagun izan da beti gure Sagardoa, eta laguntasun hori ekimen ibiltari bihurtu dugu Lurlan, Basatxerri eta Gipuzkoako Sagardogileen Elkarteak HAZI Fundazioarekin batera. Gure baserri txikia edota beste hainbat formatu Euskal Herriko txoko askotara iritsi dira txerriki erreak darion usain goxoak eta Sagardoak lagunduta. Edonongo azoka edo ekitalditara joaten bazara, ADI! Bila ezazu "Txomin Parrilla" bere hainbat formatutan eta gozatu Euskal Herriko Sagardo karta zabalaz eta Txerriki goxoaz.