Euskal Sagardoa Zapiain
3,65 €
18 urte dituzu?
Gutxienez 18 urte behar dituzu webgune hau ikusteko :(
Izotzezko sagardoa Bizi-goxo Zapiain
23,99 €
Barietate bakarreko izotzezko sagardoa. %100 Errezil sagar berantiarrarekin egindako izotzezko sagardoa. Garratza eta berezko azukreetan aberatsa.
Ezaugarriak
Sagardo hau, tentuz aukeraturiko Errezil sagarra prentsatuz sortzen den muztiotik abiatuz lortzen da: muztio hau, bi aldiz izoztu eta desizoztuz muztio kontzentratu bat lortzen da ura kenduz, ondoren fermentatzen uzten da eta sagardo horrek 9-10 gradu inguru dituenean filtratu eta pasteurizatu egiten da. Emaitza, urre koloreko sagardo disdiratsu bat da, ahoan gozoa, sagar erre zapore handikoa eta gusto iraunkorra uzten duena. 35cl.
Zapiain Sagardotegia
Zapiain abizena sagardogintzarekin lotuta egon da XVI. mendetik gutxienez, euskal sagardoaren ekoizpenak bere urrezko garaia bizi zuen garaitik, baleen ehizarekin eta Ternuan bakailaoaren arrantzarekin estuki lotuta zegoen garaian. Zapiain familiak sagardoaren ekoizpenarekin izan duen harremanaren lehen lekukotasuna 1542ko ekainaren 3ko dokumentu batean aurkitzen dugu. Eskuizkribu horretan, Astigarragan kokatutako 87 oineko sagasti baten lursailaren salerosketa jasotzen da, Joanes de Zapiainen alde egina. Gaur egun sagardoa egiten jarraitzen dugun upeltegia 1960ko hamarkadan eraiki zen, Nicolás Roxario Zapiain Agirregabiriak egindako inbertsioari esker; batzuentzat aita zen, eta besteentzat aitona. Hark hartu zuen baserriaren gainerako jarduerak —abeltzaintza eta nekazaritza— alde batera utzi, eta sagardoaren ekoizpenean erabat jarduteko erabakia. Une horretatik aurrera, Zapiain Sagardotegiak kalitatearekiko konpromiso sendoak markatutako bideari ekin zion. 1981ean, Miguel Zapiain Goñi batu zen taldera, Euskal Herriko sagardoaren sektoreko lehen enologoa. Ordutik, produktua hobetzeko ikerketa etengabeko jardunbide izan da, produktua dibertsifikatzeko berrikuntzarekin batera. Sagarra, zalantzarik gabe, gure sagardoaren bihotza da. Zapiain sagasti propioez zein tokiko hornitzaileez elikatzen da, eta horietan bertako sagardo-sagarraren hainbat barietate biltzen ditugu.
