Gure zerbitzuak hobetzeko cookie propioak eta hirugarrenenak erabiltzen ditugu, webgunearen neurketa eta erabileraren analisia egiteko. Nabigatzen jarraitzen baduzu, hauen erabilera onartuko duzu. Konfigurazioa aldatu edo informazio gehiago nahi baduzu, sakatu hemen. Onartu

Theme Settings

Mode Layout
Curent color
Active color
Choose your colors
Curent Color:
Reset

COVID19 protokoloa sagardotegietan 2021
Gure sagardotegietan COVID-19 saihesteko sortutako protokoloa
SAGARDOTEGI DENBORALDIA / UDA GARAIA

Jatetxe eta ostalaritzako zerbitzuak eta establezimentuak

EDUKIERA: %50 barruan; %100 kanpoan. Mahaien edo, hala badagokio, mahai multzoen artean 1,5 metroko distantzia fisikoa ziurtatu behar da. 1,5 metroko distantzia hori mahaietatik edo mahai multzoetatik hurbilen dauden pertsonen artean neurtuko da.

MUSUKOA: Sei urtetik gorako pertsonek nahitaez erabili beharko dute musukoa, pertsonen arteko distantzia edozein dela ere, bai eremu publikoan, bai aire zabaleko guneetan, bai erabilera publikoko espazio itxietan edo jendearentzat irekita daudenean, eta espazio berean beste pertsona batzuekin lehiatu ahal denean, azken aginduan aurreikusitako kasuetan izan ezik.
Ostalaritzako eta jatetxe zerbitzuko establezimenduetan, musukoa erabili behar da momentu oro, jan-edanean ari garenean izan ezik.

ERRETZEA: Ezin izango da eremu publikoan edo aire zabaleko guneetan erre, pertsonen arteko 2 metroko distantzia mantendu ezin denean. Muga hori tabakoa arnasteko beste edozein gailutan ere aplikatuko da, hala nola zigarro elektronikoetan, "vapers"-etan, ur pipetan, orbeletan edo antzekoetan.

 

 

Kontuan hartu beharreko ekintza ofizialen laburpena
(ikus 23/2021 DEKRETUA, maiatzaren 7koa)

AFOROA: Edukieraren% 50 establezimenduaren barruan eta% 100 kanpoan. Mahaikidetik mahaikidera 1,5 m-ko tartea utzi behar da. 1,5 metroko distantzia hori mahaietatik edo mahai multzoetatik hurbilen dauden pertsonen artean neurtuko da. Gehienez ere 4 lagun mahai edo mahai talde bakoitzeko. Horretarako erabiltzen diren mahaiak edo mahai multzoak pertsona kopuruaren araberakoak izango dira, eta pertsonen arteko gutxieneko segurtasun tartea errespetatzeko aukera emanen dute.

KONTSUMOA: Bezeroaren edo bezero taldeen artean 1,5 metroko distantzia eta une oro eserita egon beharko da. Gehienez ere 4 laguneko taldetan egin daitezke koktelak eta buffetak.

ORDUTEGIA: Ostalaritzako eta sukaldaritzako establezimendu eta zerbitzuek 22:00ak baino lehen itxi beharko dute. Lokala itxita egongo da jendearentzat eta ezingo da berriz ireki 06:00ak baino lehen. Neurri horiek asteko egun guztietan aplikatuko dira, baita jaiegunetan ere.


Sagardotegia kontzeptuaren deskribapena

  • Gure sagardotegiek sagardo naturala egiten dute: nekazaritzako elikagaien jarduera ostalaritzakoarekin konbinatzen dute. Sagardotegi horietako gehienak inguru naturaletan daude kokatuak.
  • Sagardotegien ezaugarri bereizgarrienak honako hauek dira: jangelak, upategiak, dastatzeko guneak, sagastiak...
  • Jantokian pertsona bakoitza bere lagunekin esertzen da; baina sagardoa kupeletik zuzenean dastatzeko aukera du. Horretarako, bere edalontziarekin, upeltegira doa, aditu baten eskutik produktuaz gehiago jakin dezan. Hau da bere erakargarritasun eta berezitasun nagusia: sagardoa dastatzea upategian eta zuzenean kupeletatik.

 

Egoera honetan sagardotegiak eskaintzen dituzten aukerak

  • Leku zabalak: Espazio irekiak, jantoki desberdinak, mahai luze eta luzeak, segurtasuna mantentzeko hainbat aukera. Sagardotegiek eskaintzen dizkiguten espazioetan, haien zabaltasunari esker, lasaitasun handiagoa eta erosotasun-eremuak izan ditzakegu gure aisialdiaz gozatzeko.
  • Sagardotegi kanpoko gunea: natura, sagastiak eta terrazak.

 

Aurrera eraman beharreko prebentzio-protokoloa

Langileen higiene pertsonala

  • Musukoak erabiltzea sukaldean eta jantokian. Eskuak garbitu 30 minutuz behin 30 segundoz.
  • Taldeen artean 1,5 m-ko tartea utzi behar da (birusarekin zerikusia duen sintomarik duen ala ez).
  • Ez ukitu aurpegia.
  • Langileen aldagelak: seinaleak, segurtasun-tartea, aldageletan pertsona-kopurua murriztea eta txandaka egitea.

Jantokia eta upategia

  • Zerbitzua eserita egin behar da.
  • Banakako platerak nahitaez erabiltzea.
  • Platera zentrora atera ahal izango da, baldin eta janaria zerbitzatzeko mahai-tresneria berezia erabiltzen bada.
  • Garbitu eskuak 30 minutuz behin 30 segundoz.
  • Txartelarekin ordaintzea sustatzea.
  • Osasun-materialik badagoen kontrolatzea.
  • Langileen praktika onak gainbegiratzea. Langileen arropa egunero garbitzea.
  • Banakako platerak erabiltzea, ezinbestekoa bezeroen lasaitasunari eta protokoloari eusteko.

Sukaldea: salgaiak jasotzea, berehala desinfektatzea eta kategorien arabera bereiztea.

  • Musukoak eta eskularruak erabiltzea sukaldean.
  • Eskuak garbitu 30 minutuz behin 30 segundoz.
  • Laneko arropa egunero desinfektatzea.
  • Ez nahastu sukaldeko langileak eta jantokiko langileak; bereizi bi lan-talde.

Bisita gidatuak

  • Gida duten jarduerak gehienez 6 pertsonako taldeetan egingo dira (+ gida). Behar diren neurriak hartu beharko dira segurtasun tartea mantentzeko edo, bestela, babes fisikorako neurri alternatiboak erabiltzeko. Musukoa nahitaez erabili beharko da, nahiz eta pertsonen arteko segurtasun tartea 1,5 metrokoa izan.
  • Aire zabalean denbora gehiago ematea eta barnealdeetan denbora murriztea gomendatzen da, ahal dela.
  • Bisita horiek norberaren produktuari, sagardoari, balio erantsia emateko egiten dira. Beraz, bisita honen amaieran sagardoa dastatuko da eta horretarako prestatutako dendan produktua erosteko aukera izango da.