Theme Settings

Mode Layout
Curent color
Active color
Choose your colors
Curent Color:
Reset

18 urte dituzu?

Gutxienez 18 urte behar dituzu webgune hau ikusteko :(

Sagardo Apurua 2018

15/11/2018

Sagardo Apurua, Garai bateko sagardotegi bat egin da Boulevardean, orduko Donostiako sagardotegi eta baserrien itxura eta giroa biltzen dituena. Donostia sagardoaren hiriburua izan da mende askotan zehar: Donostiako Alde Zaharrean 100 sagardotegitik gora omen ziren aspaldian. Garai haietan, kupelak lehenengoz ireki eta dastatzeari deitzen zitzaion Apurua, irekiera ofizialaren aurretik egiten zen dastatzeari. Hori jakinda, orain ere uzta berriko sagardoak aurkezteko aprobetxatuko du Sagardo Apurua Sagardoa Route-Gipuzkoako Sagardogileen Elkarteak.

Sagardo Apurua 2018

Festaren helburua da, sagardoaren kultura jendeari zabaltzea, garai bateko ohiturak eta gaur egungo joerak azaltzea, 2018ko uzta berria aurkeztea eta eragile ezberdinen arteko elkarlana bultzatzea Donostian. V. Sagardo Apuruaren asmoa ere da, lehena eta oraina elkartzea, sagardoaren kultura eta historia ezagutzera emanda. Horrela, sagar eta sagardoaren kulturarekin zerikusia duten hainbat ekitaldi izango ditugu, Boulevarden egongo den dolare-baserrian.

Bost eguneko ekitaldia antolatu du GIPUZKOAKO SAGARDOGILEEN ELKARTEAK Boulevarden eraiki duen BASERRI - SAGARDOTEGI zaharrean, abenduaren 6, 7, 8 eta 9an. Sagardo desberdinak dastatu, inguruko tabernetako pintxoak dastatu, bertso, trikitixa edo musikaz gozatu, sagardo dastatze maridatuetan parte hartu, herri kiroletan parte hartu, bolan jolastu, Albaola Itsas Kultur Faktoriak eta Gastromuseums sareak eskainiko dituzten tailerrak eta abar luze bat egiteko aukera izango du inguratzen denak.

EGITARAUA

ABENDUAK 6 osteguna

11.00 “Urumea, sagardoaren ibaia” Sagardo berriaren eta baserriko produktuen iritsiera Frantzia pasealekura

11.00 Produktuen eta sagardoaren deskarga eta uzta berriaren aurkezpena Aitor Mendiluze eta Agin Laburu bertsolarien eskutik.

11.15 Kalejirak lagunduta, produktuen garraioa idi parearekin Boulevardera

12.00 “Sagardo Apurua” baserriaren inaugurazio ekitaldia eta irekiera. Sagar dantza, sagar jotzea eta lehen muztioaren elaborazioa JO ALA JO elkartearen eskutik

18.00 Txerri errea dastatzeko aukera

19.30 “Euskal sagardoa Jatorri Deitura” dastatze gidatua

 

ABENDUAK 7 ostirala

11.30 V. Sagardo Apurua Pintxo txapelketa

12.00 Pintxo txapelketa herrikoia

12.30 V. Sagardo Apurua Pintxo txapelketaren sari banaketa

18:00 V. Sagardo Apurua Sagardo Cocktail lehiaketa

19:30 Bertso kata musikatua Unai Agirre, Aitor Mendiluze eta Imanol Kamioren eskutik

12.00-18.00 ALBAOLAREN ONTZIGINTZA ERAKUSTALDIA: arotzek egurrezko tornu batekin San Juan baleontziaren txirrikak landuko dituzte. Gehiago ikusteko Pasaiako Albaola zabalik! 10-14 / 15-18. INFO + www.albaola.com

 

ABENDUAK 8 larunbata

10.30 7 Lurraldeen 2018 uztaren aurkezpena

11:00 Museo Enogastronomikoen sarearen eskutik tailerrak umeentzat

14:30 BAZKARI-GIDATUA KM 0: bertako produktuez egindako otordua 7 lurraldeetako sagardo eta deribatuekin uztartuta.

18:00 Erromeria Estanga anai-arrebekin

 

ABENDUAK 9 igandea

12.00 Herri kirol saioa

12.45 Dastatze gidatua Mikel Garaizabalekin enologo-sumillerrarekin

13.30 Dastatze gidatua Mikel Garaizabalekin enologo-sumillerrarekin

14.15 Dastatze gidatua Mikel Garaizabalekin enologo-sumillerrarekin

EGITARAUA DESKARGATU

ASTIGARRAGAKO KARGAREN EGITARAUA

BAZKARI EDO DASTAKETEN TIKETAK EROSTEKO

Comentarios

Deje su comentario