Euskal Herrian mota askotako sagardotegiak daude, gustu guztietarako: jantoki eta upategi handiak dituztenak, beste sagardotegi batzuk espazio goxo eta txikiagoekin, Euskal Sagardoa Jatorri Deitura duten upeltegiak, batzuk sagasti ederrez inguratuta, beste batzuk herriaren erdigunean bertan eta bisita gidatuak eskaintzen dituzten sagardotegiak ere badaude.
Guztiek egurrezko eta altzairu herdoilgaitzezko kupelak dituzte, Euskal Sagardoa eta tradizioak gustuko dituztenen gozagarri. Sagardotegiek sagardotegiko menu tradizionala eskaintzeaz gain, gure garaira egokitu dira eta zeliakoentzako menuak, menu beganoak, begetarianoak etab, eskaintzen dituzte.
Asko dira Gipuzkoako Sagardotegietara enpresa-ospakizun, urtebetetze, erretiro eta lagun-bilera batera hurbiltzen diren taldeak.
Txotx irekiera une berezia izaten da urtero sagardotegietan, non ospakizun handia egiten den eta kupeletatik zuzenean egin berri den urteko sagardoa dastatzen den. Hori guztia sagardotegiko menua osatzen duten plater tradizionalekin batera: txorizoa, bakailao tortilla, bakailao frijitua piper berdeekin, txuleta parrillan eta postre gazta, intxaur eta irasagarrekin.
Txotx denboraldia urtarriletik apirilera doa, eta Euskal Herrian badakigu zein garrantzitsua den lurraldeko tradizioak eta kultura mantentzea. Gaur egun, ordea, sagardotegi askok urte osoan zehar irekitzen dituzte ateak.
Euskal Sagardoa Gipuzkoako antzinako dolare-baserrietan duela 500 urte baino gehiagotik egindako produktu naturala da. Garai bateko dolare hauek gaur egun sagardotegiak direnetan eboluzionatu zuten. Sagardoa modu tradizionalean ekoizten jarraitzen da, ohiturei eutsiz, baina metodo berritzaileak erabiliz.
Sagardotegi ezberdinetan sagardotegi bakoitzaren marka aurkituko duzu, botila paregabeak, non sagardotegi bateko botilen zaporeak ez duen zerikusirik beste sagardotegi batekoekin, trago bakoitza une paregabea da.
Gipuzkoan, berrikuntza duen sagardo naturalaren ekoizpena aurkitu ahal izango duzu. Bertan, sagardo naturala ez ezik, sagardo ekologikoa, sagardo natural aparduna eta sagar muztioak ere aurkituko dituzu.
SAGARDOTEGIAK ADUNAN: Aburuza eta Zabala
SAGARDOTEGIAK AIAN: Izeta eta Satxota
SAGARDOTEGIAK ANDOAINEN: Gaztañaga eta Mizpiradi
SAGARDOTEGIAK ASTEASUN: Sarasola
SAGARDOTEGIAK ASTIGARRAGAN: Alorrenea, Artola, Astarbe, Bereziartua, Etxeberria, Gurutzeta, Ipintza, Irigoien-Herrero, Larrarte, Oialume Zar, Oiarbide, Petritegi, Rezola eta Zapiain
SAGARDOTEGIAK ATAUNEN: Urbitarte
SAGARDOTEGIAK AZPEITIAN: Añota
SAGARDOTEGIAK DONOSTIAN: Araeta, Astiazaran, Barkaiztegi, Calonge, Gartziategi eta Lizeaga
SAGARDOTEGIAK ELGOIBARREN: Lizasagar
SAGARDOTEGIAK ERRENTERIAN: Egi-Luze
SAGARDOTEGIAK ERREZILEN: Iruekhi
SAGARDOTEGIAK HERNANIN: Akarregi, Alberro, Altzueta, Elorrabi, Goiko-Lastaola, Iparragirre, Itxas-buru, Larre-gain, Olaizola, Otsua-enea, Rufino eta Zelaia.
SAGARDOTEGIAK ITZIARREN: Txindurriturri
SAGARDOTEGIAK LEGORRETAN: Begiristain
SAGARDOTEGIAK LEZON: Ageri
SAGARDOTEGIAK LIZARTZAN: Goikoetxea
SAGARDOTEGIAK OIARTZUNEN: Baleio eta Ordozelai
SAGARDOTEGIAK ORDIZIAN: Tximista
SAGARDOTEGIAK TOLOSAN: Eguzkitza eta Isastegi
SAGARDOTEGIAK URNIETAN: Altuna, Elutxeta, Eula, Oianume eta Setien
SAGARDOTEGIAK USURBILEN: Aialde-Berri, Aginaga, Arratzain, Saizar eta Urdaira
SAGARDOTEGIAK ZARAUTZEN: Arizia
SAGARDOTEGIAK ZERAINEN: Oiharte
SAGARDOTEGIAK ZESTOAN: Ekain